Menntun til hnattrænnar borgaravitundar í íslenskum UNESCO-framhaldsskólum: Efling náms- og félagsumhverfis með þátttöku kennara og nemenda.
Verkefnið kannar með hvaða hætti stefna og starf UNESCO framhaldsskóla á Íslandi endurspeglar umræðu um mannréttindi, sjálfbærni og frið. Í verkefninu vinna kennarar og rannsakendur í sameiningu að þróun kennslufræðilegrar nálgunar sem styður við lýðræðislega þátttöku nemenda, og félagslega tengslamyndun.
Rannsóknin fer fram á tímabilinu 2026 – 2028 og er unnin í samvinnu við Félag SÞ á Íslandi sem heldur utan um vinnustofur kennara og nemenda.
Niðurstöður verkefnisins nýtast í rauntíma inn í kennslu og til eflingar á náms- og félagsumhverfi nemenda en verða einnig þegar fram í sækir hluti af stærra samanburðarverkefni sem snýr að útfærslu UNESCO skóla um allan heim á heimsmarkmiði 4.7. Rannsóknaraðilar frá Japan, Englandi og Írlandi koma að verkefninu og munu m.a. leiða fyrstu vinnustofur kennara skólaárið 2026-2027.
Verkefnið fékk styrk frá Menntarannsóknasjóði Mennta- og barnamálaráðuneytisins árið 2025.