Það styttist óðum í málþing þann 15. október sem er jafnframt fyrsti viðburður MIRA. Þar verður sjónum beint að hnattrænni borgaravitund og hlutverki menntunar við að styðja ungt fólk til virkar þátttöku í samfélaginu.
Eva Harðardóttir, aðalrannsakandi MIRA og lektor við Menntavísindasvið Háskóla Íslands, kynnir verkefnið, rannsóknarsniðið og samstarfið við íslenska UNESCO-skóla.
Pétur Hjörvar Þorkelsson, verkefnastjóri hjá Félagi Sameinuðu þjóðanna á Íslandi, fjallar um hlutverk frjálsra félagasamtaka í að efla hnattræna vitund, þátttöku og virkni ungs fólks.
Dr. Karen Pashby, prófessor við Manchester Metropolitan University, fjallar um mikilvægi menntunar til hnattrænnar borgaravitundar í breyttum heimi og hvernig menntun getur skapað rými til að takast á við flóknar hnattrænar áskoranir.
15. október 2026 | Auðarsalur, Veröld – hús Vigdísar
Húsið opnar kl. 9:00 og málþing hefst kl. 9:30.
Málþingið er opið öllum og aðgangur er ókeypis. Sérstaklega eru kennarar, stjórnendur, nemendur, rannsakendur, stefnumótandi aðilar og aðrir sem hafa áhuga á menntun, hnattrænni borgaravitund og virkni ungs fólks hvattir til að mæta.